-::- Wedang Lan Panganan Panas -::-
Kasebat wonten satunggalipun riwayat ;
كانت أسماء بنت أبي بكر – رضي الله عنها – إذا صنعت الثريد غطته شيئا حتى يذهب فوره ، ☝️ثم تقول : إني سمعت رسول الله – صلى الله عليه وسلم – يقول : ” إنه أعظم للبركة ” .
“Biyen mula Asma’ Binti Abu Bakar As Sidiq radhiyallahu anha, menawa gawe roti Tsarid, ditutupi nganti ilang sumupe.”
Tumuli Asma’ ngendika ; “Aku nate krungu Nabi shallallahu alaihi WA sallam dhawuh ; Panganan adem iku luwih akeh barokahe.”
📚 (Silsilah Ahadits Ash Shahihah : 392).
Wonten riwayat sanesipun, Nabi shallallahu alaihi WA sallam dhawuh :
أَبْرِدُوا الطَّعَامَ الْحَارَّ فَإِنَّ الطَّعَامَ الْحَارَّ غَيْرُ ذِي بَرَكَةٍ
“Ademna panganan kang panas ! yekti panganan panas iku ora ana barokahe.”
(Al Hakim ana sajroning kitab Al Mustadrak : 7125).
Prof DR. Abdul Da’im Al Kahil ngendika wonten buku ensiklopedia – nipun ;
“أثبتت الدراسات الطبية أن الإدمان على تناول الطعام والشراب الحار يهيئ خلايا الجسم لحدوث السرطان، وبخاصة في الجهاز الهضمي، وقد تمت مراجعة عشرات الدراسات السابقة، وتبيَّن أن الطعام الحار يؤثر سلبيًّا على جسم الإنسان ويرتبط بسرطان المريء. “
“Panaliten kedokteran netepake menawa tansah mangan lan ngombe barang panas iku, bisa dadi jalaran thukule sel kanker ana ing awak. Mligine ana ing saluran pencernaan.
Lan puluhan panaliten kasebut ing dhuwur wis dipriksa.
Hasile ngandhakake menawa panganan panas iku njalari jumedhule perkara elek ana ing awake manungsa. Mligine njalari kanker tenggorokan (kanker nasofaring).”
(Asrorul i’jazil ilmi keserat dening Prof DR Abdul Da’im Al Kahil).
Ananging dhahar lan ngunjuk panas menika sanes dados perkawis ingkang haram.
Mekruh kemawon, ananging saged dados haram menawi njalari wontenipun bebaya ingkang cetho. Imam Al Munawi ngendika ;
نفي ثبوت الخير الإلهي، فيكره استعمال الحار لخلوه من البركة ومخالفته للسنة، بل إن غلب على ظنه ضرره فيحرم
“Hadits iki nampik anane barakah Allah saka panganan panas.
Mula saka iku, mekruh hukume nggunakake panganan lan wedang sing panas sebab ora ana barakah e. Lan uga nalisir saka sunnah.
Malah menawa dheweke weruh ana bebaya kang jumedhul bisa malih dadi haram.”
(Faidhul Qadir Lil Munawi : 1/77).
✍🏻Kaserat dening abul aswad.
Klaten Hadiningrat, 17 Muharram 1446H/ 23 Juli 2024M.
